في تفاصيل جديدة روت ضحية تحرش ميت غمر في مصر والمعروفة بـ"بسنت" تفاصيل الجريمة التي تعرضت لها من قبل 7 أشخاص.
وقالت بسنت إنها تبلغ من العمر 23 عاماً وفي عامها الدراسي الثالث جامعياً، كاشفةً أن الحادث وقع أثناء سيرها في شارع بورسعيد بمدينة ميت غمر مساء الخميس الماضي.
وأضافت الفتاة خلال مداخلة هاتفية على شاشة البرنامج التلفزيوني "كلمة أخيرة": 7 إتحرشوا بيا، عملوا عليا دائرة ومسكوا كل حتة في جسمي وماعرفتش أقاومهم وحد من الناس روحني وتاني يوم عملت المحضر أتشجعت لما الناس دعمتني والامن ساندني والنيابة شجعتني وأنا بشكرهم.
وأضافت: بس أنا دلوقتي خايفة أروح البلد، بيهددوني بالقتل وإلقاء مياه النار على وجهي، بيراقبوني في كل مكان تحت بيتي وعارفين كل تحركاتي والمحامي بتاعهم عمل فيديو لايف وطعن في شرفي وحدد مكاني اللي كنت فيه وده دليل أنهم بيراقبوني.
أكملت: «عاملين حملة تشوية في شرفي على الفيس بوك وعاملين هاشتاج وأنا دلوقتي بطالب بالحماية التهديدات وصلتني من أكونتات شخصية لرجال أعمال وأنا لوحدي ومش قادرة عليهم.. وهددوا صاحب العمارة اللي بيقطن فيها أهلي وهيخرجوا من البيت بسببي وعاوزين يلفقوا لاخواتي قضايا».
المصدر: مواقع مصرية
اقرأ أيضاَ :
