رد الدكتور مبروك عطية عميد كلية الدراسات الإسلامية بجامعة الأزهر فرع سوهاج السابق، على سؤال ورد إليه من متصله نصه حماتي لا تسمح لزوجي بالمبيت عندي إلا يوم الخميس فقط خوفاً على صحته فهل ذلك يرضي الله؟. وقال مبروك عطية رداً على السائلة:" والله لا يرضي الله، ولا رسوله، ولا عاقل، ولا صاحب وجدان، جوزنا الواد ونحمد ربنا إن فيه بيت موجود مش هندور على شقة، نسيبه يتهنى بمراته ومراته تتهنى بيه، إذا كنتي عاوزه تنصحي ابنك يبقى وشوشيه بينك وبينه"، مؤكداً أن العلاقة الزوجية لا تؤثر سلباً على الجسم كما هو شائع بل إنها تؤثر عليه إيجاباً. وتساءل مبروك عطية: "ايه التحكمات دي ايه النظام ده ده جبتوا منين، منيتي على ابنك بشقة تتحكمي فيه، والبنت اللي جايبها من بيت أبوها تبات لوحدها كأنها دفنه أهلها، وتصبح الصبح تنزل وتاكل معاكي.. تعرفي يا حاجة كان ممكن تبقي مسلمة لو اليوم اللي روحتي تخطيبها وقولتي لأبوها وهي عرفت إنه هيبات معاكي وهي هتكون زي الجيفة تبات لوحدها وهطلعه ليكي كل خميس وهي وافقت ماشي".
واستدل بحديث أنس رضي الله عنه أن رسول الله صلى الله عليه وسلم قال :"إن الله يعذب من يعذب الناس"، مشدداً على أن هذا نوع من العذاب.
اقرأ أيضاَ :
